ბაღდათის მუნიციპალიტეტის მერის სამოქალაქო მრჩეველთა საბჭო ფუნქციონირებას განახლებული შემადგენლობით აგრძელებს.
საბჭოს ახალი წევრების პირველი გაცნობითი შეხვედრა დღეს გამართა, სადაც ასევე არჩეული იქნა თავმჯდომარე, მოადგილე და მდივანი.
მერის სამოქალაქო მრჩეველთა საბჭო 10 წევრისგან შედგება და მას ხმათა უმრავლესობით ობჩის საჯარო სკოლის დირექტორი გვანცა არჩილავა უხელმძღვანელებს, ხოლო მის მოადგილედ გაგა ჭრელაშვილი, მდივნად კი მარიამ გოგნაძე დასახელდა.
განახლებული შემადგენლობის საბჭოს სხდომას დღეს ბაღდათის მუნიციპალიტეტის მერი არჩილ გოგსაძე დაესწრო.
საბჭოს წევრები დღესვე დებულებას გაეცნენ და იმ რეკომენდაციებზე იმსჯელეს რომლებსაც მომდევნო შეხვედრებზე გააჟღერებენ.
საბჭოს წევრებს დღესვე ადგილობრივი დემოკრატიის სააგენტო საქართველოს (LDA)-ის წარმომადგენლები შეხვდნენ.
