ბაღდათის მუნიციპალიტეტში სასკოლო ინფრასტრუქტურის გაუმჯობესების მიზნით, საჯარო სკოლების სამშენებლო/სარეაბილიტაციო სამუშაოები აქტიურ რეჟიმში მიმდინარეობს.
ამ ეტაპზე სარეაბილიტაციო სამუშაოები მუნიციპალიტეტის ორ საჯარო სკოლაში : სსიპ ქალაქ ბაღდათის #1 და სსიპ ბაღდათის მუნიციპალიტეტის სოფელ როკითის საჯარო სკოლებში მიმდინარეობს.
სსიპ ქალაქ ბაღდათის #1 საჯარო სკოლის რეკონსტრუქცია/რეაბილიტაციას ახორციელებს საქართველოს მუნიციპალური განვითარების ფონდი, მის ღირებულება 3 მლ 600 ათასი ლარია და 380 მოსწავლეზეა გათვლილი.
სსიპ ბაღდათის მუნიციპალიტეტის სოფელ როკითის საჯარო სკოლის სრულ რეაბილიტაციას საქართველოს განათლების, მეცნიერებისა და ახალგაზრდობის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტო, პრემიერის პროგრამა ,, 800 საჯარო სკოლის რეაბილიტაცია” ფარგლებში ახორციელებს. მისი ღირებულება 4 მლ 190 ათასი ლარია და 260 მოსწავლეზეა გათვლილი.
რეაბილიტირებულ საჯარო სკოლებში სასწავლო სივრცეების პარალელურად იფუნქციონირებს საბუნებისმეტყველო და კომპიუტერული ლაბორატორიები, ბიბლიოთეკა, სპორტული და სააქტო დარბაზები, ექიმის კაბინეტი და რესურს ოთახი. სკოლები ადაპტირებული იქნება შეზღუდული შესაძლებლობის მქონე პირებისთვის, დამონტაჟდება ლიფტი, მოეწყობა ადაპტირებული სანიტარული კვანძები და პანდუსი. სკოლები სრულად აღიჭურვება სასწავლო და საოფისე ინვენტარით.
ინფრასტრუქტურული პროექტების ფარგლებში ასევე განხორციელდება გარე სპორტული მოედნების მოწყობა.
მიმდინარე სამუშაოებს ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან და მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო
