ბაღდათის მუნიციპალიტეტის მერმა კახა ენუქიძემ , პირველ მოადგილე დავით სილაგაძესთან ერთად, ადგილობრივი ეკონომიკური განვითარების მე-13 ფორუმში მიიღო მონაწილეობა. ფორუმი სახელწოდებით „მდგრადი განვითარება – მწვანე, ჭკვიანი, ბიზნეს-მეგობრული“. თბილისის მერიის ორგანიზებით ჩატარდა.ფორუმს საქართველოს პარლამენტის წევრები, სხვადასხვა სახელმწიფო უწყების და ადგილობრივი თვითმმართველობების წარმომადგენლები ასევე დიპლომატები, უცხოელი სტუმრები და საერთაშორისო ორგანიზაციების წარმომადგენლები ესწრებოდნენ.ფორუმის თემატიკა მოიცავდა ურბანული განვითარების თანამედროვე ტენდენციებს და საჭიროებებს კერძოდ: მდგრადი ეკონომიკური განვითარება, ადგილობრივი ხელისუფლება სამართლებრივ ჭრილში, ბიზნესგარემო საქართველოში და სექტორის განვითარების ტენდენციები, უძრავი ქონების ბაზარი, მწვანე ურბანული მომავალი და ენერგომოხმარების ტენდენციები, ტურიზმი – ახალი შესაძლებლობები და გამოწვევები, ფინანსური რესურსების ხელმისაწვდომობა და საინვესტიციო შესაძლებლობები, ქალაქების ტრანსფორმაცია ინოვაციების დანერგვის გზით, გენდერული თანასწორობა და ქალთა ეკონომიკური გაძლიერება, მიგრაციის გავლენა ადგილობრივ განვითარებაზე, კონკურენტუნარიანობის როლი სოციალურ-ეკონომიკურ განვითარებაში, სივრცითი მოწყობა და ურბანული განაშენიანება/სატრანსპორტო გამოწვევები, შრომის პოლიტიკა და შრომის ბაზრის განვითარების ტენდენციები, რეალური სექტორის ეკონომიკა, ურბანული არქიტექტურა, ჯანდაცვის პოლიტიკა და ონკოლოგიური დაავადებების მართვა საქართველოში, ცხოველთა პოპულაციის მართვა, მეფუტკრეობის მდგრადი განვითარება.ბაღდათის მუნიციპალიტეტის მერმა სადისკუსიო სესიაზე „მწვანე ურბანული მომავალი და ენერგომოხმარების ტენდენციები“ პანელზე მომხსენებლად მიიღო მონაწილეობა და წარადგინა მუნიციპალიტეტის მწვანე და ციფრულ განვითარების მიდგომები, რომელიც „მერები ეკონომიკური ზრდისთვის“ საპილოტე ინიციატივის ფარგლებში ხორციელდება.აღნიშნული პანელის მოდერატორი იყო თინათინ ტყეშელაშვილი, „მერები ეკონომიკური ზრდისთვის“ მენეჯერი საქართველოში. ღონისძიება ევროკავშირის და გაეროს განვითარების პროგრამის (EU-UNDP M4EG), მიგრაციის საერთაშორისო ორგანიზაციის (IOM), დანიისა და შვეიცარიის საელჩოების მხარდაჭერით გაიმართა.
