ბაღდათის მუნიციპალიტეტში დღეს 9 აპრილს დაღუპულ გმირთა მემორიალი გაიხსნა.ბაღდათის მუნიციპალიტეტის მერმა კახა ენუქიძემ, საკრებულოს თავმჯდომარე ნოდარ გიორგიძესთან და ადგილობრივი თვითმმართველობის წარმომადგენლებთან ერთად, 1989 წლის 9 აპრილს გარდაცვლილ გმირთა მემორიალი გახსნა და ყვავილებით შეამკო, რომელიც ბაღდათის საკათედრო ტაძრის ეზოში განთავსდა.1989 წლის 9 აპრილიდან 36 წელი შესრულდა.1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს რასაც მსხვერპლი მოჰყვა. დარბევისას 21 ადამიანი დაიღუპა, ასობით ადამიანი კი დაუდგენელი შემადგენლობის მხუთავი აირით მოიწამლა.1991 წლის 9 აპრილს მაშინდელმა უზენაესმა საბჭომ თარიღი საქართველოს დამოუკიდებლობის აღდგენის დღედ გამოაცხადა.
