სათემო კლუბი, ბაღდათის მერიის ეკონომიკური განვითარების საერთაშორისო და ადგილობრივ დონორ ორგანიზაციებთან ურთიერთობის განყოფილების, მერიის სოციალური სამსხურის ინიციატივით და მიგრაციის საერთაშორისო ორგანიზაციის (IOM) მხარდაჭერით შეიქმნა.
სათემო კლუბი „სამოცი+“ უფროსი თაობის სოციალიზაციის ცენტრია, სადაც 60 წელს გადაცილებულ მოქალაქეებს შესაძლებლობა მიეცემათ აითვისონ ახალი უნარები, ერთმანეთს გაუზიარონ საკუთარი გამოცდილება, დაგეგმონ და განახორციელონ მათ ინტერესებზე მორგებული ღონისძიებები, გაეცნონ ახალ ინფორმაციებსა და იდეებს. კლუბის დაარსების მიზანია, გააუმჯობესოს უფროსი ასაკის მოქალაქეთა ცხოვრების ხარისხი, შეამციროს ასაკთან დაკავშირებული გამოწვევები და ხელი შეუწყოს მათი ჯანსაღი ხანდაზმულობის პროცესს.
