სოფელ წითელხევის კოტე ფოცხვერაშვილის სახელობის ხელოვნების სკოლაში ნოდარ ფულარიანის საიუბილეო საღამო გაიმართა.
ბაღდათის საპატიო მოქალაქეს, ღირსების ორდენის კავალერს, საქართველოს დამსახურებულ მასწავლებელს, ხელოვნების რაინდს დაბადებიდან 79 წლის იუბილე მეგობრებმა, კოლეგებმა, მერიისა და საკრებულოს წარმომადგენლებმა მიულოცეს და საჩუქრები გადასცეს.
საიუბილეო საღამოზე ნოდარ ფულარიანმა ტრიო იმერეთთან ერთად მსმენელისთვის საყვარელი და მათთვის კარგად ნაცნობი სიმღერები შეასრულა. ღონისძიებაზე ასევე წითელხევის კოტე ფოცხვერაშვილის სახელობის ხელოვნების სკოლის აღსაზრდელებმა თავიანთი შემქმედება წარმოადგინეს.
ნოდარ ფულარიანის საიუბილეო ღონისძიება ა.(ა).ი.პ. სკოლამდელი და სკოლისგარეშე დაწესებულებათა გაერთიანების მხარდაჭერითა და წითელხევის კ.ფოცხვერაშვილის სახელობის ხელოვნების სკოლის ხელმძღვანელ მაია გუბელაძის ორგანიზებით გაიმართა.
